كود خطأ F01 في غسالة وايت بوينت

المصدر المرجعي: https://whitepointmaintenance.com/washing-machine-error-codes/

F01 مش دايماً معناه إن البوردة خلصت

الكود بيقول إن الكارت مش شايف الموتور بيرد عليه زي ما المفروض. لكن السبب ممكن يكون في 4 حتت مختلفة، والبوردة واحدة منهم بس:

1. فيشة الموتور — بتتخلخل أو بتتأكسد من الرطوبة، فالإشارة بتقطع. دي أرخص حالة وأكترها انتشاراً في الغسالات اللي عدّى عليها 4 أو 5 سنين.
2. فرش الكربون في الموديلات اللي موتورها كربون — لما تقصر، الموتور بيلف متقطع والكارت بيقراها عطل.
3. حساس دوران الموتور — بيبوظ فالكارت مش شايف لفّات.
4. الترياك على الكارت — ده اللي بيحرق فعلاً، وبيبان بعلامة سودا حواليه.

العلامة اللي بتفرق بين الأربعة

لو الحلّة بتلف شوية وبعدين تقف ويطلع الكود، فالمشكلة غالباً في الفرش أو حساس الدوران. ولو الحلّة ما بتتحركش خالص من أول الدورة ومفيش ولا صوت من الموتور، فالشك بيروح على الفيشة أو الترياك.

ولو الكود بيطلع وانت فاتح الغسالة وهي فاضية من غير غسيل، يبقى مش حمل زايد ولا غسيل متعلّق — المشكلة كهربية مية في المية.

حاجة واحدة بس تعملها بنفسك

افصل الغسالة من الكهربا ربع ساعة كاملة مش دقيقة، وشغّلها على برنامج شطف قصير وهي فاضية. لو اشتغلت وخلّصت الدورة من غير كود، يبقى كانت قراية غلط من الكارت والموضوع هادي حالياً. ولو الكود رجع، الموضوع حقيقي.

ليه مننصحش تفتحها بنفسك

فحص الترياك وحساس الدوران محتاج أفوميتر وبيتم على الكارت وهو متوصّل بالكهربا — ودي حتة فيها جهد عالي حتى بعد الفصل بسبب المكثفات. وتغيير الفرش من غير ما تتأكد إن الكوليكتور سليم بيخلّي القطعة الجديدة تقصر في شهور.

إحنا بنقيس الأربعة بالترتيب ونقوللك العطل في إيه قبل ما نجيب قطعة، وبنصلّح الكارت نفسه لو العطل في الترياك بدل ما نغيّره كله. ضمان 6 شهور على الشغل والقطعة. 01038881833