كود خطأ F1 في ثلاجة هاير

المصدر المرجعي: https://www.haier.com/eg/service-support/self-service/20191220_112655.shtml

F1 في ثلاجة هاير: الثلاجة مش عارفة درجة حرارتها

الثلاجة فيها أكتر من حساس حرارة: واحد في الفريزر، وواحد في الثلاجة، وفي بعض الموديلات واحد على المبخّر. وF1 معناه إن واحد منهم بيدّي قراية غلط أو مش بيدّي قراية خالص.

والمشكلة إن الثلاجة لما ما تعرفش حرارتها، بتاخد قرار غلط: يا إما تفضل مبرّدة على طول فيحصل تلج زيادة، يا إما تقف عن التبريد تماماً.

الأعراض اللي بتيجي مع الكود وبتقوللنا أنهي حساس

• تلج متراكم على الجدار الخلفي والثلاجة مش بتبرد ← غالباً حساس الديفروست على المبخّر.
• الفريزر بيجمّد والثلاجة دافية ← حساس الثلاجة أو مروحة التوزيع.
• الموتور شغال من غير ما يفصل خالص ← الحساس بيدّي قراية أعلى من الحقيقة.
• الثلاجة بتبرد زيادة عن اللزوم والأكل بيتجمّد في الرف ← قراية أقل من الحقيقة.

قوللنا بالظبط انت شايف أنهي واحدة فيهم، ده بيوفر وقت كبير.

حاجة واحدة جرّبها الأول

افصل الثلاجة من الكهربا نص ساعة وشغّلها تاني. لو الكود غاب ورجع التبريد، ممكن تكون قراية لحظية غلط بسبب رطوبة على الفيشة. سيبها تحت الملاحظة يومين.

ومهم جداً: ما تفصلهاش وترجّعها على طول. الكمبروسر محتاج وقت يتعادل فيه الضغط، والتشغيل على طول من غير استنى بيحمّله فوق طاقته.

ليه القطعة رخيصة بس الشغل محتاج خبرة

الحساس نفسه قطعة بسيطة. والصعوبة في حاجتين: إنك تحدد أنهي حساس بالقياس، يعني بالمقاومة عند درجة حرارة معروفة، بدل ما تغيّر التلاتة؛ وإن أغلب الحساسات مدفونة جوه البطانة أو على المبخّر ورا لوح الفريزر، يعني فك وتجميع بعناية عشان ما يحصلش تسريب أو كسر في البطانة.

ولو الموضوع طال وما اتصلّحش صح، الثلاجة بتفضل تاكل كهربا أكتر وبيقصر عمر الكمبروسر.

بنقيس الحساسات واحد واحد ونحدد العطل قبل ما نجيب قطعة، والإصلاح عليه ضمان 6 شهور. 01038881833